Waktos Ngawitan Kenal Media Sosial

Wilujeung wengi, ayeuna abi bade nyarioskeun waktos abi ngawitan kenal media sosial pesbuk (facebook), twitter, sareng instagram. Pokokna mah janten hoyong seuri sareng nutupan raray nganggo bantal. Ngisinkeun seseurna mah. Komo lamun pesbuk ngemutan kenangan, sok sagala karaos kadang mah. Karaos isin, karaos nyeri hate, karaos kaduhung, karaos hoyong seuri deuih. Karaos kaos kaos, muhun da icalan kaos.

Sumber gambarna ti pixabay
2009, waktos kelas sapuluh (SMK) ngawitan abi kenal pesbuk teh. Da abi mah teu kenalan heula sareng prenster (friendster) kumargi nuju SMP mah terangna ka warnet teh kanggo ngerjakeun tugas sareng ngirim imel (e-mail) ka guru komputer.

Ti ngawitan nganggo nami asli dugikeun ka nami anu nya kitu tea : giechengenkzmandjhannyebelindtz, gieingindichayank, sareng sajabana. Tapi nu pang ngisinkeun sareng kaduhung mah digentos ku nami kabogoh. Mun diemutan ayeuna mah asa teu kedah kitu *nyengir.

Tah, bakatkeun ku kagegeloan ngangge pesbuk teh, dugikeun ka ngahaja ka warnet kanggo pesbukan. Sajam, dua jam, tilu jam. Ti warnet A, dugi ka warnet E caket sakola dicobian sadayana. Padahal ngan chat sareng babaturan gigireun, benten biling hungkul, ngadamel album foto dugika puluhan, eusina foto nu gayana kitu-kitu keneh, ngadamel status galau, ambek-ambekan, ngeluh, pokona mah teu penting. Jabaning kata-kata na teh nganggo huruf alit ageung, disingkat-singkat deuih.

Sok ngangge fitur colek oge. Teras sok tebar-tebar jempol ameh statusna seueur jempolan oge. Dugikeun aya fanpage na pan, jempolers mania. 

Jaba gaduh pesbuk teh sanes hiji, tapi tilu. Akhirna mah nu dua tutup akun, janten kantun hiji nu ayeuna. Teras tipayun mah paseueur-seueur jumlah rerencangan di pesbuk teh. Dugikeun ka teu tiasa nampi deui (maksimal 5000). Ayeuna mah lebih sakedik da dikirangan nu teu kenal sareng teu pararuguh, komo nu nyebarkeun rasa ngewa ka batur mah.

Tah, tos ti pesbuk teh, 2010 ngiringan ngadamel twitter da katinggalna rame nganggo RT. Dugikeun ja atoh pisan da pami nyerat RT teh. Bari teu apal ngawitanana mah pami RT teh singkatan tinu retweet. Dipangadamelkeuna ku saha cik? Ku mantan *dzig. Hilap da nami kahijina naon, tapi sateuacan janten @gemaulani teh pernah nganggo nami @GeMaulani, @giegilang sareng @suckied_giegie. Rame pisan mah dianggona sareng rerencangan mah waktos 2011-2012. Ayeuna ge rame deui sih sareng para bloger tapina.

Tah, tidinya teh ngalih kanu instagram. Padahal teu acan gaduh hape android. Janten nganggo aplikasi bluestacks taun 2012-2013 awal. Akun kahiji nateh sanes nu ayeuna @gemaulani da. Tapi hilap konci sareng imelna. Janten weh ngadamel deui taun 2013. Ari tos ngadamel deui imelna emut. Janten weh gaduh dua eh tilu sareng akun kanggo dagang kembang-kembangan kertas. Tipayun foto nage seueur nu rumeuk, ayeuna sami we ketang wkwkwk #ngabodortiditunamah.

Tah kitu pokokna mah ngawitan kenal media sosial teh, ayeuna pesbuk paling dianggo ngabagikeun alamat situs produk gratisan, ngabagikeun alamat blogpost, ninggalan grup nu menghasilkan sareng sakapeung ninggal kenangan. Nu akhirna sok rada nyeredet hate tea. 

Ngawitan mah sok sagala hoyong dicobian ciga messengger. Tinu Kakao, Line, Whatsapp, BBM, sadayana dicobian. Ayeuna mah nyakitu tea we.

ge maulani

Perempuan | Lebih senang berbicara dan bercerita melalui tulisan | Penyuka kucing, novel, es krim, coklat panas, teh susu, kopi | Pemalu walau seringnya malu-maluin | Terbiasa jika terlupakan dan dilupakan |

No comments:

Post a Comment

Yakin nggak mau meninggalkan komentar? Nanti aku nggak bisa main ke blog kamu kalau kamu nggak meninggalkan komentar. Kritik dan saran diterima kok :)